GEVOARLEK

gevoarlek

Bewoners van de Eikenlaanflat.
dij mouten, as ze naar boeten goan,
hail smui weden om oet te wieken,
aans blieven ze op heur bainen nait stoan.
Ze joagen van links en ook van rechts
mit ain noodgang om joe tou.
En as je asmis d´r wat van zeggen,
din krieg je hail voak ´n snaauw.
Mor ofstappen, niks hoor, laauw.

Nou hebben d´r lest ´n paar loze guten
bie deure ´n zoele zet.
Doar mag elkain recloame op plakken,
de tegels glimmen van ´t vet.
De fietsers en de brommers ook,
dij swinken doar dus om tou.
Je kinnen ze glad nait aankommen zain.
Weg mit dat ding, en gaauw,
want vaaileghaid stekt hier naauw.

Willy Walters.

ZUNDAGSRUST?

De domie haar net ‘amen’ zegd,
en noa dat leste woord,
klonk er opains ain groot gejuich.
Op ’t voetbalveld wer scoord,
want stoef veur kerk doar ligt dat veld.

En noa het leste laid,
klonk er al weer hail haard gejuich.
Dit moal aan veurkant nait,
want achter kerk, het zij vermeld,
doar ligt ook ’n voetbalveld.

Op zundagmörn ligt “de Fontein”
in stille zundagsrust?
Op Eikenlaan giert ’n ambulans,
de vogels vlaigen van ’t nust.
De kerk stait midden maank ’t voetbalvolk,
Wel het dat zo bedocht?

Zo stait bedoulen van zundagsrust,
Wel hail slim op de tocht.
De wiezen hebben mit heur verstand,
’t gehail nait goud ‘gepland’.

Willy Walters.

M E E R T LENTEMOAND.

Smörns en soavends al laanger licht.
Wat wil dat beduden.
Dat het veujoar komt in ’t zicht.
Nou geern wind oet ’t Zuden.
’t Gait de goie kaante op,
Wat het weer aangait.
Soms stekt winter kop nog op.
Weg is e nog nait.

Kòlde en griep maggen wel verdwienen.
Dij huiven nait te blieven.
Loat de zun mor lekker schienen,
Op onze leden en lieven.
Mor, pas op, ’t is vroug in tied.
Loat joe nait verklummen.
En al is de zummer wied.
’n Bedie maggen we al dreumen.

Willy Walters.

Normal 0 21 false false false NL X-NONE X-NONE MicrosoftInternetExplorer4

De domie haar net ‘amen’ zegd,

en noa dat leste woord,

klonk er opains ain groot gejuich.

Op ’t voetbalveld wer scoord,

want stoef veur kerk doar ligt dat veld.



En noa het leste laid,

klonk er al weer hail haard gejuich.

Dit moal aan veurkant nait,

want achter kerk, het zij vermeld,

doar ligt ook ’n voetbalveld.



Op zundagmörn ligt “de Fontein”

in stille zundagsrust?

Op Eikenlaan giert ’n ambulans,

de vogels vlaigen van ’t nust.

De kerk stait midden maank ’t voetbalvolk,

Wel het dat zo bedocht?



Zo stait bedoulen van zundagsrust,

Wel hail slim op de tocht.

De wiezen hebben mit heur verstand,

’t gehail nait goud ‘gepland’.



Willy Walters.

HEUR EENDJES

eenden
As t mor aits kin,
en baaiden hebben zin,
din stoan ze bie de viever.
Wat brood in n puut,
eenden kommen dr al uut.
Ze vouern ze mit iever.

Veul zeggen ze nait.
Ie waiten hou t gait,
elk het zo zien gedachten.
t Is n haile toer,
want t lopen wordt stoer.
En baiden verbaargen ze heur klachten.

Nog n blokje rond,
da s ja gezond.
En din gait t weer noar hoes tou.
Kieken nog even om.
Din zegt hai ‘Kom,
ik lus wel n kopke thee vrouw’.

Willy Walters.

R E I N T J E

De leste zunnestroalen op t land
kleuren nog de steert van de fezant,
dij langzoam over t snijveld lopt
en of en tou zien wiefke ropt.

De vos dij laangs de bosraand trekt
verschoelt zok achter stroeken, doeknekt.
Hai slagt zien slag, woarom ook nait.
De gin zien pelzaaier is d aanders verdrait.

De veren dij net mooi werden beschenen
bennen sikkom onder snij verdwenen.
De oavend trekt de gerdiene dicht.
Vos slikt zok om bek bie moanelicht.

Willy Walters.

TOUN 't WINTER WAS

We trokken mit onze slee as tank
over snij en ies de polder in.
Dij middoagen en in de wintertied
schaiten mie asmis in t zin.

Mit taauw en rainen en hòlten soabels
gingen we de vijand dapper te lief.
Geleufden grif in verzonnen foabels.
We wollen dr op of, al vroor t ook stief.
De snijbalen wazzen handgrenoaten
veur n vijand dij naait op kwam doagen.
As t donker wer ging t weer naar hoes.
Mor de vijand haren we echt versloagen.

Willy Walters.

Normal 0 21 false false false NL X-NONE X-NONE MicrosoftInternetExplorer4

As t mor aits kin,

en baaiden hebben zin,

din stoan ze bie de viever.

Wat brood in n puut,

eenden kommen dr al uut.

Ze vouern ze mit iever.

Veul zeggen ze nait.

Ie waiten hou t gait,

elk het zo zien gedachten.

t Is n haile toer,

want t lopen wordt stoer.

En baiden verbaargen ze heur klachten.

Nog n blokje rond,

da s ja gezond.

En din gait t weer noar hoes tou.

Kieken nog even om.

Din zegt hai ‘Kom,

ik lus wel n kopke thee vrouw’.

Willy Walters.

MORGENRIT

De buschauffeur draait d eerste rit,
en gapt nog achter t stuur.
Hai tuurt deur de novembermist.
Gain passagiers dit uur.
Het is zien brood, dat wait e wel.
Zit lekker dreug en waarm,
Dat kin de krantenbezörger nait,
mit n pak pampier op d aarm.
Dr komt al n bus van d aander kaant,
mit n vraauwtje as chauffeur.
Dij zwaait hom vrundelk lachend tou.
Doar wordt e vrolek deur.
En hai ridt opgewekt deur stad.

Wat kin zo’n vraauw toch wat.

Willy Walters.

WIENMOAND

De bomen verlaizen heur zummerhoar,
en kleuren weer geel en broen.
Kalender geft oktober aan,
we leven in t haarstseizoen.

De vogels zoameln zok in swaarms
en trainen zok veur de trek.
Veul sprutters eten heur dik en rond
en verloaten al heur stek.

Kastanjes, ekkels, rooie bes,
t Vaalt aal oet boom en stroek.
De wind gript dikke takken vol blad,
schudt bomen aan heur proek.

Oktober is ook n golden moand,
mit aal zien mooie kleuren.
As t licht en geluud van vern komt
en leste rozen geuren.

Zuik din mor n plekje oet de wind.
Even zitten in zunneschien.
Din kin t nog hail behoaglek wezen,
mit n gloasie oktoberwien.

Willy Walters.

TRAMWEG

Ik sloot mien ogen en zat in de tram,
woak k instapt was bie t Kolle Gat
en dij mie mit noar Selwerd nam
langs n splinternije iesdern pad.

Toun k net as vrouger op t balkon
Keek noar de hoezen in d Ebbingestroat,
Dij k stok veur stok mie herinnern kon,
Ston k weer inains bie station Noord.

Ik stapte oet en keek om mie tou
En docht, dit was toch vrouger eindpunt.
t Is net of hier n nij spoor begunt,
Mor conducteur zee, ‘beste vrund,
We rieden nou deur noar Zernike tou’

Willy Walters.

Wijkwebsite Paddepoel Groningen

Voor en door bewoners

 *******************************

DINSDAG 31 OKTOBER

JAARVERGADERING 

WIJKRAAD PADDEPOEL

20.00 UUR

PLUTOZAAL

 

*******************************

HOORZITTING VERKEERSVEILIGHEID.
23 MEI GEMEENTERAAD.
Op de hoorzitting over verkeersveiligheid in de gemeenteraad op 23 mei is ingesproken door onze vicevoorzitter Derk den Boer.
Wie deze bijdrage wil beluisteren moet even op onderstaande link drukken:

*******************************

CO-CREATIE IN PADDEPOEL 

Denk en werk actief mee aan hoe uw wijk Paddepoel eruit gaat zien!!

 U heeft vast al gelezen of gehoord dat er begonnen is met een uniek proces van werken aan de toekomst van de wijk. Bewoners en organisaties doen dit samen. Dit noemen we ook wel co-creatie.

 

Bepaal mee hoe een plezierig, leefbaar en mooi Paddepoel eruit ziet. Er is enig voorwerk gedaan, maar …. We hebben uw inzet nodig om verder te kunnen. We willen hierin samen met u op reis.

 

Er zijn voorlopig 9 werkgroepen gevormd rond verschillende thema’s. Zie hiervoor de wijk website www.paddepoel.info

 

Wat kunt u doen?

  • We hebben u nodig voor het meedenken,
  • Uw wensen mee te nemen,
  • Te horen wat u fijn vindt aan de wijk zodat we dat kunnen behouden…
  • Mee te doen in de werkgroepen
Grijp deze kans en ...
Laat Paddepoel groeien en bloeien.

Meld u aan via het e-mail adres van de wijkraad secretariaat@wijkraadpaddepoel.nl of via het secretariaat van de wijkraad 050-5799927

Deel deze pagina

Submit to DeliciousSubmit to FacebookSubmit to Google PlusSubmit to StumbleuponSubmit to TwitterSubmit to LinkedIn